Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яе носьбіта.
20 лютага навучэнцы каледжа традыцыйна адзначылі Міжнародны дзень роднай мовы. Навучэнкі Д-14 і Д-15 груп спецыяльнасці “Дашкольная адукацыя” прынялі ўдзел у інтэлектуальнай гульні “Не пакідайце ж мовы роднай…”, накіраванай на папулярызацыю беларускай мовы, на выхаванне ў навучэнцаў павагі і любові да роднага слова, цікавасці да твораў беларускіх пісьменнікаў. У працэсе гульні будучыя выхавацелі слухалі вершы на беларускай мове, выконвалі заданні, успаміналі прыказкі, знаходзілі памылкі ў напісанні беларускіх слоў, адгадвалі загадкі.
У гэты дзень навучэнцы каледжа сталі ўдзельнікамі акцыі “Размаўляем па-беларуску”, адчулі прыгажосць і мілагучнасць роднай мовы.
Мова жывая, пакуль на ёй гавораць. Дзень роднай мовы — нагода яшчэ раз задумацца пра лёс і будучыню той, якую мы завём нацыянальнай і матчынай.
Л.І.Кіпець, М.Ф.Енчык, выкладчыкі беларускай мовы і літаратуры
.jpg)
.png)