Міжнародны дзень роднай мовы заснаваны ў 1999 годзе рашэннем Генеральнай сесіі ЮНЕСКА і штогод адзначаецца 21 лютага. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яе носьбіта.
21 лютага навучэнцы каледжа традыцыйна адзначылі Міжнародны дзень роднай мовы. Навучэнкі Д-14 групы спецыяльнасці “Дашкольная адукацыя” Барабанава А. і Рубін В. падрыхтавалі інфармацыйны стэнд, на якім кожны з навучэнцаў мог напісаць сваё любімае слова на беларускай мове. У гэты дзень на ўроках сучаснай беларускай мовы будучыя выхавацелі Д-24 групы далучыліся да агульнай акцыі і напісалі дыктант, прысвечаны роднай мове.
Мова жывая, пакуль на ёй гавораць. Дзень роднай мовы — нагода яшчэ раз задумацца пра лёс і будучыню той, якую мы завём нацыянальнай і матчынай.